Venezuelami nunap sajunnerata kingorna 6.000-it ajunaartut

Venezuelami nunap marloriarluni juunimi sajoreernerata kingorna ajunaartut 6.125 pallissimalerpaat. 

Venezuelami inatsisartut siulittaasuata Jorge Rodriguezip tamanna saqqummiuppaa.

Nunap minutsiunngitsumik akunneqartunik marloriarluni juunip 24-anni sajunnerata kingorna inuit 61.000-ingajaat napparsimmavinni ikiorserneqartut kisitsisit takutippaat.  

Rodriguezip oqarnera naapertorlugu, aseruatiternerit 16,5 procentii katersorneqarput. 

Nunap sajunneri 7,2-mik 7,5-imillu sakkortutigisumik naatsorsorneqarput, nunallu avasinnerusortaani illoqarfiit pingaarnersaata Caracasip eqqaani pisimallutik. 

Nuna 1900-kkunnili kingullermik taama sakkortutigisumik sajorujussuarpoq.

Nunap sajunneri attaveqaasersuutinut illorsuarnullu aserortiteripput.

Tusindilikkaat angerlarsimaffeeruttut

Nunat arlallit Amerika kujallermut annaassiniaajartorput illullu aseruatiternerisa akornanni ajunaartut qaqinneqarnissaannut ikiuiartorlutik. 

Sineriammi immikkoortoq La Guaira sunnerneqarnerpaavoq, tassani sajunnernit illorsuit arlallit nakkaatsiterput. 

Venezuelap præsidentia Delcy Rodriguez, USA-p præsidentianit Donald Trumpimit tapersersorneqartoq, ajunaarnersuup naalakkersuisunit iliuuseqarfigineqarnera illersorpaa. 

Tamanna sakkutuut oqartussallu allat kingusinaarlutik ikiuukkiartorlutik takkussimanerisa inuillu nunap sajunneranit ajunaartut aseruatiternerillu akornanniittut ikiornissaannut iliuuseqarnerat naammanngitsutut isornartorsiorneqarnera tunngavigineqarpoq.    

Nunap sajunnerata kingorna inuit tusindilikkaat angerlarsimaffeerupput. 

Angerlarsimaffeeruttut unnuiffinni ulikkaartuni najugaqartinneqarput, amerlasuullu imissaaleqillutillu perusuersartarfinnik iluameertunik atugassaqartinneqanngillat, tusagassiorfik AFP taama allappoq. 

Venezuelap naalakkersuisui inuit aseruatiternerit akornanni ujaarineqartut qassiunersut saqqummiutinngilaat. FN inuit 50.000 missaanniittut suli ujaarineqarsimasinnaanerannik naliliivoq, AFP allappoq. 

RITZAU/Reuters