26-nik ukiulik toqutseriarsimasutut pasineqartoq
Nuussuarmi pasinartumik misissuisoqarnerani angut 26-nik ukiulik toqutseriarsimasutut pasineqarluni tigusarineqartoq, politiit ilisimatitsipput.
Allattoq Paarnannguaq Nielsen, Nicole Sander Bertelsen
juulip 07-at 2026 09:56
Angut 26-nik ukiulik ullaaq manna sassartinneqassasoq, Kalaallit Nunanni Politiit ilisimatitsipput.
Angut Nuussuarmi pasinartumik misissuisoqarneranut atatillugu tigusarineqarpoq, tassani 27-nik ukiulik pinerlineqartoq napparsimmaviliaanneqarluni.
26-nik ukiulik toqutseriarsimasutut pasineqartoq, Kalaallit Nunaanni Politiini sillimasut pisortaat Poul Kreutzmann oqarpoq.
27-nik ukiulik napparsimmaviliaanneqartoq inuunermini navianartorsiorpoq. Naak ippassarniit ullumikkut ajunnginnerugaluarluni suli ilisimajunnaaqqasoq, sillimasut pisortaata oqaatigaa.
Suliaq misissuiffigineqaleruttormat pisoq pillugu susoqarsimaneranik Poul Kreutzmann oqaaseqarnerusinnaanngilaq.
