Partiit arfineq-marluk, apeqqutit marluk: Inuit Ataqatigiit
Nunatsinni maanna suna unammillernarnerpaanersoq, Inuit Ataqatigiit siulittaasuat Sara Olsvig aperigatsinni ima akivoq:
- Nunatsinni inuttut atukkat inuuniarnermilu atukkat naligiinnginnerat unammillernarnerpaapput. Tassanilu suliassaraarput inuit suli amerlanerit nukissaqarluartut, angajoqqaat suli amerlanerit meeqqaminnik akisussaaffeqarluarlutit kivitseqataalluartut inuiaqatigiinni pilersissallugit.
KNR-ip qinersinissatta tungaanut apeqqutit marluk partiinut akeqquniarpai:
Nunatsinni ajornartorsiutit annersaat suua?
Qanoq aaqqinniarpisiuk?
Partiit akissutaat KNR-ip qinersinissaq pillugu quppernerani #IQ2018-imi atuarsinnaavatit.
Qanoq iliornikkut tamanna anguneqassava?
- Pinngitsuunngiivilluta aningaasarsiornikkut inuussutissarsiornikkullu siuariartortitsisariaqarpugut, atugarissaarnermi atukkanut pitsanngorsaanissamut akissaqarumalluta, taannalu aamma suliassatut salliutitassatut tikkuarparput iliuuseqarfigerusullugulu. Kisianni tassa pingaarnertut inuit suli amerlanerit inuiaqatigiinnut kivitseqataasinnaanngorlutik peqataatinnissaat tunngavississallugit suliassaraarput.
AAMMA ATUARUK Suleqatigiissitsisut
- Inuit nukittuut tassaapput nunatsinni napatitsisussat. Sukarsuit sisamat inuussutissarsiornikkut eqqartortuartarpagut, uanga oqarusuppunga nunatsinni inuit 57.000-iugutta taava sukarsuit 57.000-iupput. Tamaavitta nukittuujusariaqarpugut nunatsinni ineriartornissamut tunngavissiiumalluta, Sara Olsvig oqarpoq.
Partiini arfineq-marluusuni alla aqagu pingasunngornermi apeqqummut akiumaarpoq.
